Britaniyalı analitik Müctəba Xameneinin öldüyünü iddia edib
Xeberhub.com xəbər verir ki, Böyük Britaniyalı siyasi fəal və analitik Nikolas Lisak İranın Ali Lideri Müctəba Xameneinin səhhəti ilə bağlı yayılan məlumatları şərh edib.
Məlumata görə, Lisak bu barədə özünün “X” hesabında paylaşım edib. O, Xameneinin səhhətinin ağır olması barədə məlumatların gerçəkliyi əks etdirmədiyini və İranın Ali Liderinin mart ayının ortalarından etibarən öldüyünü iddia edib.
“Azad İran” “Telegram” kanalına istinadən bildirir ki, Lisak paylaşımında Xameneinin vəziyyətinin ağır olmadığını, onun artıq bir neçə aydır həyatda olmadığını irəli sürüb.
Analitik, həmçinin İran İnqilab Keşikçiləri Korpusunun (SEPAH) Xameneinin ölümünü təsdiqləmək və onun yerinə daha radikal mühafizəkarın gətirilməsi üçün plan həyata keçirdiyini iddia edib.
Lisak paylaşımının sonunda İran hakimiyyətinin süqut edəcəyini və ölkənin azad olacağını bildirib.
Qeyd: Xameneinin öldüyü barədə Lisakın səsləndirdiyi iddia təqdim olunan məlumatda müstəqil və etibarlı mənbələrlə təsdiqlənmir.
