Xeberhub.com xəbər verir ki, Rusiya Silahlı Qüvvələrinin Kiyevə gecə saatlarında pilotsuz uçuş aparatları və ballistik raketlərlə həyata keçirdiyi hücum nəticəsində bir nəfər ölüb, 13 nəfər yaralanıb.
Ukrayna Fövqəladə Hallar üzrə Dövlət Xidmətinin yaydığı məlumata görə, hücum nəticəsində paytaxtın bir neçə rayonunda dağıntılar və yanğınlar qeydə alınıb.
Bildirilib ki, zərbələr nəticəsində yaşayış binaları, qeyri-yaşayış obyektləri, avtomobillər və yataqxana binası zədələnib.
Hazırda hadisə baş verən ərazilərdə Fövqəladə Hallar üzrə Dövlət Xidmətinin əməkdaşları və digər aidiyyəti qurumların nümayəndələri fəaliyyətlərini davam etdirirlər.
