Prezident İlham Əliyevin sərəncamı ilə Naxçıvanda ümumi uzunluğu 420 kilometr olan avtomobil yollarının əsaslı təmiri üçün 70 milyon manat ayrılıb. Təmir işləri 26 yaşayış məntəqəsini və 156,3 min nəfər əhalini əhatə edəcək.
Prezident İlham Əliyevin sərəncamı ilə Naxçıvan Muxtar Respublikasının sosial-iqtisadi inkişafı üçün ümumilikdə 258 milyon manat ayrılması nəzərdə tutulur. Vəsait enerji, yol, nəqliyyat, təhsil, yaşayış binaları və istilik sistemlərinin yenilənməsinə yönəldiləcək.
Avqustun 11-də Almaniyadan 37 Azərbaycan vətəndaşı geri qəbul edilib. Proses Azərbaycan ilə Avropa İttifaqı arasında readmissiya haqqında saziş əsasında həyata keçirilib.
ABŞ dövlət katibi Marko Rubio hərbi bazaların üzərində müşahidə edilən mənşəyi bilinməyən uçan obyektlərlə bağlı məlumatların ciddi araşdırılmasının vacib olduğunu bildirib. Rubio obyektlərin mənşəyindən xəbərsiz olduğunu və məsələyə sui-qəsd nəzəriyyəsi kimi yanaşmadığını deyib.
Dövlət Vergi Xidməti proqram təminatının alınması və təkmilləşdirilməsi üçün ehtimal olunan dəyəri 1 milyon 112 min manat olan açıq tender elan edib. Layihəyə veb-interfeysin inkişafı və “AKTUM” sistemi ilə inteqrasiya işləri daxildir.
MOSSAD-ın keçmiş rəhbəri Yossi Kohen agentlərin İranın Fordodakı nüvə obyektinə dəfələrlə baş çəkərək onun fəaliyyəti barədə məlumat topladığını iddia edib.
Bab əl-Məndəb boğazı yaxınlığında Səudiyyə Ərəbistanına məxsus yük gəmisinin ballistik raketlə vurulduğu bildirilib. Hücum nəticəsində iki Pakistan vətəndaşı və bir İndoneziya vətəndaşı olmaqla üç heyət üzvü ölüb.
İsrail ordusunun Livanın Nəbatiyyə şəhərinə PUA zərbəsi endirdiyi bildirilib. Zərbə nəticəsində iki mülki şəxs yaralanıb, daha sonra xilasetmə qrupunun təcili tibbi yardım avtomobili də zədələnib.
Rusiyanın Voronej şəhərində “Wildberries” logistika mərkəzinə hücum edildiyi və obyektin ərazisində güclü yanğın baş verdiyi bildirilib. İşçilər təxliyə olunub, bina isə ciddi zərər görüb.
ABŞ, Azərbaycan və Ermənistanın birgə bəyanatında iki ölkənin davamlı sülh istiqamətində atdığı addımların dünya üçün nümunə olduğu bildirilib. Tərəflər regionun firavan gələcəyinə ümid etdiklərini vurğulayıblar.
Türkiyə Prezidenti Rəcəb Tayyib Ərdoğan Ankara ilə Vyana arasında strateji əməkdaşlığın Orta Dəhlizin inkişafına töhfə verə biləcəyini bildirib. O, həmçinin Türkiyə-Avropa İttifaqı əlaqələrinin dərinləşdirilməsinin və viza rejiminin sadələşdirilməsinin vacibliyini vurğulayıb.
La-Manş boğazını keçərək Böyük Britaniyaya çatan kiçik qayıqda 230 miqrantın olduğu bildirilib. Bu, bir qayıqla ölkəyə çatan miqrantların sayı üzrə yeni rekorddur.