13-14 iyul tarixlərində Günəşdə partlayış aktivliyinin aşağı səviyyədə olacağı proqnozlaşdırılır.
Oxu.Az-ın TASS-a istinadən yaydığı məlumata görə, Rusiya Tətbiqi Geofizika İnstitutu bildirib ki, göstərilən günlərdə ümumi aktivliyin aşağı olacağı, lakin M sinfinə aid Günəş partlayışlarının baş verməsinin istisna edilmədiyi qeyd olunub.
Məlumatda həmçinin vurğulanıb ki, iyulun 12-də Günəşdə M1.1 gücündə partlayış qeydə alınıb.
Qeyd edək ki, Günəş partlayışları rentgen şüalanmasının intensivliyinə əsasən A, B, C, M və X siniflərinə ayrılır. Bu hadisələr zamanı yaranan Günəş plazması Yer istiqamətində hərəkət etdikdə maqnit qasırğalarının baş verməsinə səbəb ola bilər.
