Xeberhub.com xəbər verir ki, Oxu.Az-ın NEWS.ru-ya istinadən yaydığı məlumata görə, ABŞ-nin strateji neft ehtiyatlarının həcmi son onilliklərin ən aşağı səviyyəsinə enib.
ABŞ Energetika Nazirliyinin Enerji İnformasiyası Administrasiyasının (EIA) açıqladığı statistikaya əsasən, iyulun 24-də başa çatan həftə ərzində strateji ehtiyatlar 3,8 milyon barel azalaraq 307,65 milyon barelə düşüb.
Məlumata görə, bu göstərici sonuncu dəfə 1983-cü ilin mart ayında daha aşağı səviyyədə qeydə alınıb. Həmin dövrdə ABŞ-nin strateji neft ehtiyatları 306,964 milyon barel təşkil edib ki, bu da ehtiyat sisteminin yaradılmasından bəri ən aşağı göstəricilərdən biri hesab olunur.
Mütəxəssislər strateji ehtiyatların azalmasını qlobal enerji bazarındakı proseslər fonunda diqqətlə izləyirlər.
