Xeberhub.com İHA və Haber Global-a istinadən xəbər verir ki, Türkiyənin paytaxtı Ankara yaxınlığında təlim məqsədilə uçuş həyata keçirən helikopter qəzaya uğrayıb.
Hadisə nəticəsində iki nəfər xəsarət alıb. Yaralılardan biri – istefada olan pilot, polkovnik Yasaözden Bakkal ağır vəziyyətdə xəstəxanaya çatdırılsa da, həkimlərin bütün səylərinə baxmayaraq onun həyatını xilas etmək mümkün olmayıb.
Qəza baş verən əraziyə dərhal çoxsaylı xilasedici və təcili tibbi yardım briqadaları göndərilib, yaralılara operativ şəkildə yardım göstərilib.
Hazırda helikopter qəzasının hansı səbəbdən baş verdiyi araşdırılır. Türkiyə aidiyyəti qurumları hadisənin bütün detallarının müəyyənləşdirilməsi istiqamətində istintaq tədbirlərini davam etdirirlər.
