Axar.az xəbər verir ki, iyulun 14-dən həftənin sonunadək Azərbaycanın bəzi dağlıq və dağətəyi ərazilərində hava şəraitinin dəyişkən və qeyri-sabit keçəcəyi gözlənilir.
Milli Hidrometeorologiya Xidmətinin məlumatına görə, həmin günlərdə ayrı-ayrı rayonlarda fasilələrlə yağış yağacağı, yağıntıların bəzi yerlərdə leysan xarakterli olacağı ehtimal edilir.
Bildirilib ki, bəzi ərazilərdə şimşək çaxması və dolu düşməsi mümkündür. Həmçinin yağıntılarla əlaqədar bəzi dağ çaylarında su səviyyəsinin artacağı proqnozlaşdırılır.
