Xeberhub.com xəbər verir ki, Oxu.az-ın "İnterfax" agentliyinə istinadən yaydığı məlumata görə, ABŞ Prezidenti Donald Tramp İranla davam edən qarşıdurma zamanı həyatını itirmiş amerikalı hərbçilərin nəşinin vətənə gətirilməsi mərasimində iştirak edib.
Mərasim ABŞ-nin Delaver ştatında yerləşən Dover Hərbi Hava Qüvvələri Bazasında (Dover AFB) təşkil olunub. Tədbirdə ABŞ-nin müdafiə naziri Pit Heqset, Qərargah Rəisləri Birləşmiş Komitəsinin sədri Den Keyn, eləcə də həlak olan hərbçilərin ailə üzvləri də iştirak ediblər.
Məlumata əsasən, vətənə gətirilən dörd hərbçidən üçü İordaniyada yerləşən ABŞ hərbi bazalarına edilən hücumlar zamanı, biri isə İraqda həyatını itirib.
ABŞ mətbuatının yaydığı məlumatlarda bildirilir ki, İranla silahlı qarşıdurmanın başlanmasından bu günədək həlak olan ABŞ hərbçilərinin sayı 18 nəfərə çatıb.
