Xeberhub.com TASS agentliyinə istinadən xəbər verir ki, bu gün səhər Günəşdə son iki həftənin ən güclü alışması qeydə alınıb.
Rusiya Elmlər Akademiyasının Kosmik Tədqiqatlar İnstitutu və Sibir Bölməsinin Günəş-Yer Fizikası İnstitutunun Günəş astronomiyası laboratoriyası bildirib ki, iyulun 7-dən bəri müşahidə olunan ən güclü alışma Moskva vaxtı ilə saat 09:35-də (Bakı vaxtı ilə 10:35-də) baş verib.
Məlumata görə, son 24 saat ərzində Günəşin aktivliyinin artması nəticəsində bu hadisə ilə yanaşı, Günəş səthində 20-yə yaxın oxşar alışma da qeydə alınıb.
Mütəxəssislər qeyd ediblər ki, alışmalar Yerə təsir göstərə biləcək geoeffektiv zonalarda baş versə də, hazırkı mərhələdə Yer planeti üçün birbaşa təhlükə yaratmır.
