Xeberhub.com xəbər verir ki, Oxu.Az-ın yaydığı məlumata əsasən, İran Silahlı Qüvvələri ötən gecə pilotsuz uçuş aparatları (PUA) ilə ABŞ-nin Bəhreyn və İordaniyada yerləşən hərbi obyektlərinə zərbələr endirdiyini açıqlayıb.
İran tərəfinin bəyanatına görə, Bəhreyndə yerləşən Şeyx-İsa hərbi bazasında yanacaq çənləri, anbarlar, texniki avadanlıqların saxlanıldığı anqarlar və ABŞ hərbçilərinin yerləşdiyi məntəqələr hədəfə alınıb.
Açıqlamada bildirilib ki, eyni vaxtda İordaniyadakı Əl-Əzraq hərbi bazasına da PUA hücumu həyata keçirilib. Hücum zamanı təyyarələrin texniki baxışı və təmiri üçün istifadə olunan anqarların, eləcə də ABŞ ordusunun yerləşdiyi mövqelərin vurulduğu iddia olunur.
İran Silahlı Qüvvələri əməliyyatın pilotsuz uçuş aparatları vasitəsilə həyata keçirildiyini və hədəflərin uğurla vurulduğunu bəyan edib.
