Xeberhub.com xəbər verir ki, President.az-ın yaydığı məlumata görə, Prezident İlham Əliyev Mərakeş Krallığının milli bayramı münasibətilə Kral VI Məhəmmədə təbrik məktubu ünvanlayıb.
Dövlət başçısı məktubunda Mərakeş Kralını və qardaş Mərakeş xalqını milli bayram münasibətilə səmimi qəlbdən təbrik edərək onlara ən xoş arzularını çatdırıb.
Prezident İlham Əliyev Azərbaycan ilə Mərakeş arasında tarixi köklərə və xoş ənənələrə söykənən münasibətlərə xüsusi önəm verildiyini vurğulayıb. O, iki ölkə arasında dostluq əlaqələrinin daha da möhkəmlənəcəyinə və qarşılıqlı faydalı əməkdaşlığın gələcəkdə də uğurla davam etdiriləcəyinə əminliyini ifadə edib.
Məktubun sonunda Prezident İlham Əliyev Kral VI Məhəmmədə möhkəm cansağlığı, xoşbəxtlik və ali dövləti fəaliyyətində uğurlar, Mərakeş xalqına isə davamlı sülh, əmin-amanlıq və rifah arzulayıb.
