Bakıda "Arena Hall" hotelində yanğın baş verdi

Bakıda hoteldə yanğın: Qonaqlar təxliyə edildi

XeberHub.com Oxu.Az-a istinadən xəbər verir ki, Bakının Nərimanov rayonunda yerləşən "Arena Hall" hotelində yanğın baş verib.

Fövqəladə Hallar Nazirliyinin (FHN) yaydığı məlumata görə, hadisə Koroğlu Rəhimov küçəsində yerləşən hotelin birinci mərtəbəsində fəaliyyət göstərən, ümumi sahəsi 300 kvadratmetr olan saunada qeydə alınıb.

Məlumat daxil olduqdan sonra əraziyə dərhal FHN-in Dövlət Yanğından Mühafizə Xidmətinin qüvvələri cəlb edilib. Yanğınsöndürənlərin operativ müdaxiləsi nəticəsində alovun hotelin digər hissələrinə yayılmasının qarşısı alınıb və yanğın qısa müddətdə söndürülüb.

Təhlükəsizlik tədbirləri çərçivəsində tüstülənmiş binanı tərk edə bilməyən hotel qonaqları təxliyə olunublar. Hadisə nəticəsində xəsarət alan olmayıb.

Yanğın nəticəsində saunanın taxta konstruksiyadan ibarət buxar otağı 10 kvadratmetr sahədə yanıb. Saunanın böyük hissəsi və hotel binası yanğından mühafizə edilib.