Filippinin Palavan sahillərində yanğın baş verən “MV June Aster” sərnişin bərəsində aparılan təhlükəsizlik yoxlaması zamanı insan qalıqları aşkarlanıb. Qalıqların kimliyinin müəyyənləşdirilməsi üçün araşdırma aparılır.
Yaponiyanın Tiba prefekturasında güclü leysan yağışlarının yaratdığı daşqınlar nəticəsində 8 nəfər ölüb. Minə yaxın avtomobil tərk edilib, minlərlə sakin təhlükəsiz ərazilərə köçürülüb.
Kolumbiyanın Kundinamarka əyalətində mədəndə baş verən partlayış nəticəsində altı mədənçi ölüb, bir nəfər xilas edilib. Fəaliyyəti təhlükəsizlik qaydalarının pozulmasına görə dayandırılan şaxtada qazıntı işlərinin niyə davam etdirildiyi araşdırılır.
Reyn çayında quraqlıq səbəbindən suyun səviyyəsinin azalması Fransanın şərqində yanacaq tədarükünü çətinləşdirib. Regiondakı yanacaqdoldurma məntəqələrinin 14 faizində, bəzi ərazilərdə isə 50 faizində təchizat problemi yaranıb.
Qazaxıstan, Qırğızıstan, Tacikistan və Özbəkistanda genişmiqyaslı elektrik kəsintiləri baş verib. Qazaxıstanın cənub enerji sistemində yaranan nasazlıq nəticəsində məhdudiyyətlərin həcmi 2 810 MVt-a çatıb. Qazaxıstanda enerji sisteminin normal fəaliyyəti bərpa olunub.
Avqustun 12-də Yer kürəsində G1 səviyyəli geomaqnit qasırğası gözlənilir. Günəşdə aktivliyin Bakı vaxtı ilə 10:00-13:00 arasında müşahidə olunacağı, avqustun 13-də isə geomaqnit dalğalanmalarının ehtimalının 55 faiz təşkil edəcəyi bildirilir.
Misirdə ekstremal istilər səbəbindən Giza piramidaları və Luksordakı qədim abidələrə gündüz ekskursiyalarının vaxtı məhdudlaşdırılıb. Turistlərə ziyarətləri səhər erkən və ya axşam saatlarına planlaşdırmaq tövsiyə olunur.
Bangidə yanacaq tankerinin aşması nəticəsində azı 20 nəfər ölüb, onlarla insan yaralanıb. Yaralılardan bəzilərinin vəziyyətinin ağır olduğu bildirilir.
Tailandın Nonthaburi əyalətində orta məktəbdə baş verən atışmada ölənlərin sayı 9 nəfərə çatıb. Sonuncu qurban 12 yaşlı şagird olub. Hadisə zamanı 15 nəfərin yaralandığı bildirilir.
"Bloomberg"in hesablamalarına görə, 2026-cı ildə Avropadakı ekstremal istilər 25 mindən çox insanın ölümünə səbəb olub. Ən çox ölüm halı Almaniyada qeydə alınıb.
Seuta şəhərinə üzərək keçməyə çalışan azı 18 miqrant həlak olub. Son günlər bölgəyə 1 500-dən çox miqrantın daxil olduğu bildirilir, İspaniya isə təhlükəsizlik tədbirlərini gücləndirib.
Rusiyada ilk dəfə tətbiq edilən "Neoonkovak" xərçəng peyvəndi dəri xərçəngi olan xəstədə müsbət immunoloji reaksiya yaradıb.