Oksford Universitetinin hazırladığı yeni Ebola peyvəndi ilk dəfə insan üzərində sınaqdan keçirilib. Bundibugyo ştamına qarşı hazırlanan preparatın təhlükəsizliyi 50 könüllünün iştirakı ilə qiymətləndiriləcək.
Suriyada iki sərnişin avtobusunun iştirakı ilə baş verən ağır qəzada azı 35 nəfər ölüb, 30 nəfər yaralanıb. Yaralıların təxliyəsi üçün hadisə yerinə hərbi helikopterlər cəlb olunub.
İstanbulun Eyüpsultan rayonunda sərnişin avtobusu sürüşkən yolda qəzaya uğrayıb. Hadisə nəticəsində azı 30 nəfər xəsarət alıb, onlardan ikisinin vəziyyəti ağırdır. Həmin gecə Kırıkkaledə baş verən başqa avtobus qəzasında isə 40 nəfər yaralanıb.
Çinin Linfen şəhər dairəsində baş verən torpaq sürüşməsi nəticəsində beş nəfər ölüb. Sinxua agentliyinin məlumatına görə, bölgədə güclü yağışlar bu cür təbii fəlakətlərin tez-tez baş verməsinə səbəb olur.
Çin hökuməti Honqsya tayfununun yaxınlaşması səbəbindən bir neçə bölgədə yüksək – narıncı təhlükə səviyyəsi elan edib. Tayfunun Honkonq və Quandun sahillərinə çatacağı, güclü yağış və küləyin geniş əraziləri əhatə edəcəyi gözlənilir.
İspaniyada genişlənən meşə yanğınları səbəbindən ölkə üzrə fövqəladə vəziyyət elan olunub. Minlərlə sakin təxliyə edilib, yanğınla mübarizəyə yüzlərlə xilasedici və hərbi qüvvə cəlb olunub.
Argentina millisinin azarkeşləri DÇ-2026 finalının hakim idarəçiliyindən narazı qaldıqları üçün oyunun yenidən keçirilməsi tələbi ilə petisiya başladıb. Müraciət artıq 60 mindən çox imza toplayıb.
Barselonanın "Plasa-de-Sans" metro stansiyasında təmir işləri zamanı baş verən qaz partlayışı və yanğın nəticəsində səkkiz işçi xəsarət alıb. Onlardan ikisinin vəziyyəti ağırdır.
Hindistanın Assam ştatında daşqınlar nəticəsində ölənlərin sayı 41-ə çatıb, 650 mindən çox insan təbii fəlakətdən zərər çəkib. Bölgədə xilasetmə və yardım işləri davam edir.
ÜST-nin məlumatına görə, Konqo Demokratik Respublikası və Uqandada Ebola qızdırmasından ölənlərin sayı 1 001 nəfərə çatıb. Yoluxma hallarının böyük hissəsi KDR-də qeydə alınıb, epidemiyanın əsas ocağı isə İturi əyaləti hesab olunur.
Dünyaca məşhur "YouTube" bloqeri MrBeast sevgilisi Teya Boysen ilə ailə həyatı qurub. Toy mərasimi Riçard Brensona məxsus Neker adasında keçirilib. MrBeast-in şirkətinin gələcəkdə 5 milyard dollar dəyərə çatacağı proqnozlaşdırılır.
Əfqanıstanın şərqində baş verən güclü sel və daşqınlar nəticəsində 40-dan çox insan ölüb, çoxsaylı yaralı və itkin düşənlər var. BMT bölgədə humanitar yardım əməliyyatlarına başlayıb.