ABŞ və İran arasında qarşıdurmanın genişlənə biləcəyi barədə xəbərdarlıqlar artır. ABŞ Yaxın Şərqdə hərbi qüvvələrini gücləndirsə də, resurs çatışmazlığı əməliyyat imkanlarını məhdudlaşdıra bilər. Tərəflər arasında qarşılıqlı zərbələr bölgədə gərginliyi daha da artırıb.
CENTCOM-un məlumatına görə, İranın İordaniyaya endirdiyi zərbələr nəticəsində iki ABŞ hərbçisi ölüb. Bundan əlavə, İraqda keçirilən əməliyyat zamanı daha bir ABŞ hərbçisi həlak olub, bir nəfər isə yaralanıb.
SEPAH İordaniya və Küveytdə ABŞ-nin istifadə etdiyi hərbi obyektlərə zərbələr endirdiyini iddia edib. Qurumun açıqlamasına görə, anqarlar, radar sistemi, PUA-lar və hərbi təyyarələr hədəfə alınıb.
SEPAH-ın iddiasına əsasən, Hörmüz boğazında təhlükəli marşrutla hərəkət etməyə çalışan iki neft tankeri partlayıb. Hadisə ilə bağlı məlumatı Tasnim agentliyi yayıb.
CENTCOM İrana qarşı ardıcıl doqquzuncu gecə həyata keçirilən hücumların başa çatdığını bildirib. Hədəflər arasında HHM sistemləri və hərbi obyektlər olub.
SEPAH dörd gəminin İranla razılaşdırmadan Hörmüz boğazını keçməyə çalışdığını bildirib. İki gəmidə qəza baş verdiyi, digər ikisinin isə geri döndüyü açıqlanıb.
Kiyevə raket və PUA hücumları nəticəsində Ukraynanın hərbi məhsullar istehsal edən UKRTAC şirkətinin fabriki və anbarları dağılıb.
Ukraynanın Rusiyanın bir sıra bölgələrinə PUA hücumu etdiyi bildirilir. Stavropol vilayətində sənaye obyektlərində yanğınlar baş verib, Novorossiysk yaxınlığında tanker və terminal zərər görüb.
SEPAH İranın Əhvaz şəhəri üzərində "MQ-9" tipli PUA-nın vurulduğunu bildirib. Dronun hansı ölkəyə aid olduğu açıqlanmayıb.
Kiyevə edilən raket hücumu zamanı Azərbaycanın Ukraynadakı səfirliyinin binasına ziyan dəyib. Hadisə nəticəsində xəsarət alan olmayıb.
Rusiya ordusunun Kiyevə gecə hücumu nəticəsində bir nəfər həlak olub, 13 nəfər yaralanıb. Hücum zamanı şəhərin bir neçə rayonunda dağıntılar və yanğınlar qeydə alınıb.
SEPAH Küveytdəki ABŞ hərbi bazalarına PUA hücumları təşkil etdiyini açıqlayıb. İran bu əməliyyatın ABŞ-ın son zərbələrinə cavab olduğunu bildirib.