SEPAH ABŞ-nin İrana endirdiyi zərbələrə cavab veriləcəyini bəyan edib. İran tərəfi cavab əməliyyatları barədə xəbərdarlıq edərkən, "The Wall Street Journal" ABŞ administrasiyasının regionda genişmiqyaslı müharibə istəmədiyini yazıb.
Milli Hidrometeorologiya Xidməti ölkənin bəzi ərazilərində küləkli hava şəraitinin davam etdiyini açıqlayıb. Ən yüksək külək sürəti Goranboyda 19 m/s, Naftalanda 18 m/s, Bakı və Abşeronda isə 17 m/s qeydə alınıb.
Rusiya Müdafiə Nazirliyi Ukraynanın Sumı, Donetsk və Xarkov vilayətlərində yerləşən dörd yaşayış məntəqəsinin Rusiya ordusunun nəzarətinə keçdiyini bildirib. Məlumat hələlik Ukrayna və müstəqil mənbələr tərəfindən təsdiqlənməyib.
Bu gün Qarabağ, Neftçi və Zirə avrokuboklarda cavab oyunlarına çıxacaq. Görüşlər müvafiq olaraq CBC Sport, İctimai TV və İdman TV kanallarında canlı yayımlanacaq.
UEFA Orhus – Sabah" oyununun hakimlərini açıqlayıb. Qarşılaşmanı Portuqaliyadan olan hakimlər briqadası idarə edəcək. İlk oyun avqustun 5-də Danimarkada, cavab matçı isə avqustun 11-də Bakıda keçiriləcək.
Fars agentliyi SEPAH-ın İordaniyadakı “Əl-Əzraq” aviabazasına raket zərbəsi endirdiyini iddia edir. Məlumata görə, hücum nəticəsində ABŞ-a məxsus üç F-35 qırıcısı məhv edilib, daha üç təyyarə zədələnib. İddialar müstəqil mənbələr tərəfindən hələ təsdiqlənməyib.
