ABŞ ordusu İranda üç saatdan artıq davam edən hərbi əməliyyat həyata keçirib. Bildirilir ki, zərbələrin məqsədi İranın Hörmüz boğazında mülki gəmiçiliyə təhlükə yaratmaq imkanlarını zəiflətmək olub və əməliyyat Prezident Donald Trampın göstərişi ilə icra edilib.
Bakının Nərimanov rayonunda 2024-cü il təvəllüdlü körpə yaşadığı binanın 3-cü mərtəbəsindəki eyvandan yıxılıb. Ağır xəsarət alan uşaq xəstəxanaya yerləşdirilib, hadisə ilə bağlı araşdırma aparılır.
Prezident İlham Əliyev IV Şuşa Qlobal Media Forumunda Cənubi Qafqazın geosiyasi qarşıdurma məkanına çevrilməməsinin vacibliyini vurğulayıb. O bildirib ki, Azərbaycan xarici qüvvələrin ölkədən öz maraqları üçün istifadə etməsinə imkan verməyib.
Əlahəzrət, Qətər Dövlətinin Ata Əmiri Şeyx Həməd bin Xəlifə Al Taninin vəfatı xəbərini dərin hüznlə qarşıladım. O, Qətərin inkişafına mühüm töhfələr vermiş, xalqına və dövlətinə sədaqətlə xidmət etmiş görkəmli lider kimi daim xatırlanacaqdır. Azərbaycan ilə Qətər arasında dostluq və əməkdaşlıq münasibətlərinin möhkəmlənməsində də əhəmiyyətli xidmətləri olmuşdur. Bu ağır itki ilə əlaqədar Sizə, ailənizə və qardaş Qətər xalqına öz adımdan və Azərbaycan xalqı adından dərin hüznlə başsağlığı verir, Uca Allahdan mərhuma rəhmət diləyirəm.
