Rusiya Müdafiə Nazirliyi müharibənin 1618-ci günü üzrə Ukrayna ordusunun itkilərinə dair yenilənmiş statistikanı açıqlayıb. Nazirlik çoxsaylı hərbi texnika və avadanlığın məhv edildiyini iddia edir. Məlumat müstəqil şəkildə təsdiqlənməyib.
SEPAH ABŞ-nin İrana hücumlarına cavab olaraq İordaniyadakı "Əl-Əzrəq" hərbi bazasına raket zərbəsi endirdiyini açıqlayıb. İran tərəfi hücum nəticəsində üç F-35 qırıcısının məhv edildiyini iddia edir. Məlumat müstəqil mənbələr tərəfindən hələ təsdiqlənməyib.
Argentinanın San Xuan əyalətində keçirilən meşə yanğınlarına hazırlıq təlimi zamanı "Bell 412" tipli helikopter qəzaya uğrayıb. Hadisə nəticəsində 7 nəfər ölüb. Qəzanın səbəbi araşdırılır.
Nikol Paşinyan Ermənistan və Türkiyə arasında münasibətlərin normallaşdırılması üzrə yeni xüsusi nümayəndənin hələ müəyyənləşdirilmədiyini bildirib. Onun sözlərinə görə, məsələ ilə bağlı müzakirələr davam edir.
Lənkəranın Viyən kəndində 11 otaqlı fərdi yaşayış evində yanğın baş verib. Yanğın nəticəsində dam örtüyü zədələnib, alov isə FHN əməkdaşlarının müdaxiləsi ilə söndürülüb. Faktla bağlı araşdırma davam etdirilir.
Dövlət Gömrük Komitəsində struktur islahatları aparılıb. Kibertəhlükəsizlik şöbəsi ləğv edilərək onun əvəzində idarə yaradılıb. Yeni qurumun rəisi vəzifəsinə Turqut Vəliyev təyin olunub.
