Ukrayna Hərbi Hava Qüvvələrinə məxsus MiQ-29 qırıcısı Odessa vilayətində döyüş tapşırığı zamanı qəzaya uğrayıb. Təyyarənin pilotu katapult edərək xilas ola bilib.
Kolumbiyada 7,4 maqnitudalı zəlzələ baş verib. Zəlzələnin episentrinin Çoko departamentində yerləşdiyi bildirilib. Rəsmi qurumlar Sakit okean sahillərində sunami təhlükəsinin olmadığını açıqlayıb.
Yasamal rayonunda açıq sahədə baş verən yanğın FHN əməkdaşlarının operativ müdaxiləsi nəticəsində geniş əraziyə yayılmadan söndürülüb.
İran Prezidenti Məsud Pezeşkian ABŞ-nin ölkədəki daxili siyasi vəziyyətlə bağlı proqnozlarının yanlış olduğunu bildirib. O, Vaşinqtonun süni intellekt, casus şəbəkələri və agentlərdən əldə edilən məlumatlara əsaslandığını, lakin bu hesablamaların özünü doğrultmadığını deyib.
Şahbuz-Batabat magistralında VAZ-21013 markalı avtomobilin aşması nəticəsində 1950-ci il təvəllüdlü Əsli Cəlilova ölüb. Hadisə ilə bağlı araşdırma aparılır.
SEPAH nümayəndəsi Hüseyn Mohebi İranın bəzi ballistik raketlərinin uçuş zamanı trayektoriyasını dəyişə və yeni hədəfə yönələ bildiyini iddia edib. Onun sözlərinə görə, müasir müharibələrdə texnoloji üstünlük əsas amillərdən biridir.
