Axiosun məlumatına görə, ABŞ İrana qarşı əməliyyatların bərpasından sonra ilk dəfə B-1 Lancer strateji bombardmançı təyyarəsindən istifadə edib. Hücmun Böyük Britaniyadakı hərbi bazadan həyata keçirildiyi bildirilir.
Dünya bazarında Azeri Light markalı Azərbaycan neftinin qiyməti 1,83 dollar artaraq 100,56 ABŞ dollarına yüksəlib.
Sergey Lavrov və Marko Rubio ASEAN sammiti çərçivəsində Manilada görüşüblər. kp.ru-nun məlumatına görə, 35 dəqiqə davam edən görüşün təşəbbüsü ABŞ tərəfindən irəli sürülüb.
GL Group və Baker Hughes arasında beşillik Strateji Əməkdaşlıq Xidmətləri Sazişi imzalanıb. Tərəfdaşlıq innovativ texnologiyaların tətbiqi, əməliyyat səmərəliliyinin artırılması və enerji sektorunda uzunmüddətli inkişafı hədəfləyir.
GL Group ABŞ-nin Texas ştatında dörd neft-qaz yatağının hasilat aktivlərini satın alaraq onların operatoru olub. Bununla şirkət ABŞ-də hasilat aktivlərini idarə edən ilk Azərbaycan özəl neft-qaz şirkətlər qrupuna çevrilib.
AZƏRTAC-ın məlumatına görə, Rusiya Müdafiə Nazirliyi Qara dəniz və Çernomorsk limanında Ukrayna ordusunun istifadə etdiyi beş yük gəmisinə PUA-larla zərbə endirdiyini açıqlayıb.
İran Silahlı Qüvvələrinin sözçüsü Əbülfəzl Şikarçi bildirib ki, ABŞ inkişaf etmiş kəşfiyyat imkanlarına baxmayaraq, İranın bəzi raket istehsalı obyektlərinin yerini müəyyən edə bilmir. O, həmçinin PUA və raket istehsalının fasiləsiz davam etdiyini deyib.
Kurdistan24 telekanalının məlumatına görə, Ərbil üzərində hava hücumundan müdafiə sistemləri beş kamikadze tipli pilotsuz uçuş aparatını məhv edib. Hadisə zamanı şəhərdə güclü partlayış səsləri eşidilib.
Husilər Səudiyyə Ərəbistanına məxsus iki neft tankerinə hücum etdiklərini bəyan ediblər. Təşkilat hücumun PUA və raketlərlə həyata keçirildiyini iddia edir. UKMTO isə tankerlərdən birinin zərbə aldığını və gəmidə yanğın baş verdiyini təsdiqləyib.
ABŞ Prezidenti Donald Tramp İranla münaqişədə həlak olan dörd amerikalı hərbçinin nəşinin vətənə gətirilməsi mərasimində iştirak edib. ABŞ mediası qarşıdurma başlayandan bəri həlak olan hərbçilərin sayının 18-ə yüksəldiyini bildirib.
İranın xarici işlər naziri Abbas Əraqçi ABŞ Prezidenti Donald Trampın son bəyanatına cavab olaraq bildirib ki, İrana qarşı istənilən təcavüz sərt və qəti cavabla qarşılanacaq. O, hücumda iştirak edən bütün tərəflərin legitim hədəf sayılacağını vurğulayıb.
İran parlamentinin sədri Məhəmməd Baqir Qalibaf bildirib ki, əgər Tehran neft ixrac edə bilməsə, regionda digər ölkələrin də neft satışı mümkün olmayacaq. O, həmçinin Hörmüz boğazında təhlükəsizliyin ABŞ qüvvələri bölgədən çıxacağı halda təmin ediləcəyini vurğulayıb.