İpoteka və Kredit Zəmanət Fondu indiyədək MİDA-nın 5 442 mənzilinin satışı üçün 275,8 milyon manat güzəştli ipoteka krediti ayırıb. Hər il bu məqsədlə dövlət büdcəsindən 85 milyon manat vəsait ayrılır.
Rumıniya sahilləri yaxınlığında ABŞ-dən Ukraynaya kömür daşıyan "Christiana B" yük gəmisində partlayış baş verib. İlkin ehtimallara görə, hadisəyə dəniz minası və ya PUA hücumu səbəb olub. Yaralanan yoxdur.
Prezident İlham Əliyevin imzaladığı sərəncamlarla Rəşad Aslanov İtaliya, Malta və San Marinodakı səfir, eləcə də bir sıra beynəlxalq təşkilatlar yanında daimi nümayəndə vəzifələrindən geri çağırılıb. O, Azərbaycanın Türkiyədəki yeni səfiri təyin edilib.
Prezident İlham Əliyevin imzaladığı sərəncamlarla Rəşad Məmmədov Türkiyədəki səfir vəzifəsindən geri çağırılıb və Azərbaycanın Özbəkistandakı yeni səfiri təyin edilib.
Prezident İlham Əliyev Kraudfandinq haqqında qanunu təsdiqləyib. Yeni qanun startapların və KOB subyektlərinin alternativ maliyyələşmə imkanlarını genişləndirməyi, eyni zamanda investorların hüquqlarının qorunmasını nəzərdə tutur.
Reuters-in məlumatına görə, İran husilərə dəstək məqsədilə Yəmənə SEPAH komandirləri, hərbi məsləhətçilər və hərbi texnika göndərib. Təyyarənin marşrutu Səna hava limanına hücum səbəbindən dəyişdirilərək Hudeydaya yönəldilib.
AAYDA-nın tabeliyində fəaliyyət göstərən "Körpülərin İstismarı və Təmiri Müəssisəsi" MMC-nin ləğv edildiyi elan olunub. Kreditorlara tələblərini təqdim etmək üçün iki ay vaxt verilib.
Prezident İlham Əliyevin imzaladığı qanuna əsasən, istehsalatda bədbəxt hadisələr və peşə xəstəlikləri ilə bağlı birdəfəlik sığorta ödənişinin məbləği minimum aylıq əməkhaqqının 1000 mislindən artıq olmayacaq.
Prezident İlham Əliyevin imzaladığı qanuna əsasən, qaz qurğularının xəritə və sxemlərindən istifadəyə görə ödənilən 20 manat dövlət rüsumu ləğv olunub.
İraq Kürdüstanının Ərbil hava limanı yaxınlığında PUA hücumu baş verib. Beynəlxalq koalisiyanın HHM sistemləri altı dronu zərərsizləşdirib. Hadisə zamanı itki və dağıntı qeydə alınmayıb.
İpoteka və Kredit Zəmanət Fondunun məlumatına görə, Azərbaycanda indiyədək 73,4 min nəfərə 5,4 milyard manat ipoteka krediti ayrılıb. Kredit alanların əksəriyyətini gənclər və gənc ailələr təşkil edir.
ABŞ ordusu 30 ildən sonra ilk dəfə Patriot sistemlərinin PAC-2 GEM-T raketlərinin istehsalı üçün RTX şirkətinə daxili sifariş verib. Razılaşmanın ölkənin azalan raket ehtiyatlarının bərpasına xidmət etdiyi bildirilir.