Reuters-in məlumatına görə, husilər tərəfindən Yanbudakı neft emalı müəssisələrinə doğru buraxılan iki ballistik raket Yunanıstan hərbçilərinin xidmət göstərdiyi hava hücumundan müdafiə sistemi tərəfindən məhv edilib.
Rusiya mediasının məlumatına görə, Zaporojye vilayətinin Kirillovka qəsəbəsində turist bazasına endirilən hava zərbələri nəticəsində ölənlərin sayı 11-ə çatıb. Ölənlər arasında dörd uşaq olduğu bildirilir.
İran hökuməti Prezident Məsud Pezeşkianın çıxışının efirdə ixtisar edilməsinə görə dövlət televiziyasına xəbərdarlıq edib. Hökumət sözçüsü Fatimə Mühacirani ictimai medianın bütün mövqeləri əks etdirməli olduğunu vurğulayıb.
Volodimir Zelenski Ukraynanın Xəzər dənizindəki Rusiya gəmilərinə və Rusiyanın müxtəlif bölgələrində yerləşən hərbi obyektlərə uzaq məsafədən zərbələr endirdiyini açıqlayıb. Ukrayna Təhlükəsizlik Xidməti hücumlar zamanı bir sıra hərbi texnikanın və infrastrukturun məhv edildiyini bildirib.
Qardabani-Tbilisi dəmiryolu xəttində yaranan elektrik problemi Bakı-Tbilisi qatarının 2 saat 30 dəqiqə gecikməsinə səbəb olub. ADY qatarların qrafikində dəyişiklik edilməyəcəyini açıqlayıb.
Gürcüstanda ardıcıl iki gün yaşanan kütləvi elektrik kəsintisi ilə bağlı DTX təxribat maddəsi ilə cinayət işi açıb. Rəsmi məlumata görə, qəzanın əsas səbəbi 500 kilovoltluq "İmereti" elektrik xəttində baş verən nasazlıq olub. Hazırda ölkədə enerji təchizatı tam bərpa edilib.
CNN-in məlumatına görə, Pentaqonun hərbi itkilərlə bağlı rəsmi sistemində statistik uyğunsuzluq yaranıb. Demokrat senatorlar müdafiə naziri Pit Heqsetdən məsələ ilə bağlı izahat tələb ediblər. Pentaqon isə bunun texniki problemlə əlaqədar olduğunu açıqlayıb.
Rumıniya Müdafiə Nazirliyi son 24 saat ərzində hava məkanını pozan ikinci PUA-nın F-16 qırıcısı tərəfindən vurulduğunu açıqlayıb. Dron Ukrayna sərhədi yaxınlığında yaşayış olmayan ərazidə zərərsizləşdirilib.
Space TV-nin sabiq baş direktoru Vado Korovin telekanalın kredit borcu ilə bağlı ittihamlara cavab verib. O bildirib ki, kredit onun rəhbərliyindən əvvəl götürülüb, rəhbərliyi dövründə isə kanalın reytinqi yüksəlib, texniki baza yenilənib və əməkhaqları vaxtında ödənilib.
AKİA Milli Mətbuat Günü münasibətilə Quba, Qusar və Xaçmazda fəaliyyət göstərən təsərrüfatlara media tur təşkil edib. Səfər zamanı dövlət dəstəyi ilə yaradılan meyvə bağları, fındıq plantasiyaları, heyvandarlıq kompleksləri və aqroturizm obyektlərinin fəaliyyəti nümayiş etdirilib.
The New York Times-ın məlumatına görə, Donald Tramp Türkiyədən qayıdarkən mümkün sui-qəsd təhlükəsi səbəbindən təyyarəsini dəyişib. Prezident təhlükəsizlik məqsədilə Qətərin hədiyyə etdiyi "Boeing 747-8" əvəzinə əvvəlki "Air Force One"dan istifadə edib.
Donald Tramp Ağ Evdə keçirilən ənənəvi tədbirdə 2028-ci il seçkiləri ilə bağlı zarafat edib və üzərində Trump 2028 yazılan papaq taxıb. O, çıxışı zamanı Adam Şiff və Robert Kennedi haqqında da istehzalı fikirlər səsləndirib.