ABŞ Prezidenti Donald Trampın Ağ Evdə keçirdiyi görüşdə İrana qarşı mümkün hərbi əməliyyatların genişləndirilməsi müzakirə olunub. Məlumata görə, toplantıda Hörmüz boğazı və İranın strateji obyektlərinə mümkün zərbələr də gündəmdə olub.
Ukrayna Pilotsuz Sistemlər Qüvvələri Rusiyaya məxsus Mi-28 döyüş helikopterini dronla vurduğunu açıqlayıb. Hadisənin Belqorod vilayətində baş verdiyi bildirilir. Rusiya tərəfi isə hələlik məsələ ilə bağlı açıqlama verməyib.
Baş nazir Əli Əsədov Slovakiya Prezidenti Peter Pelleqrini ilə görüşüb. Görüşdə ikitərəfli əməkdaşlığın inkişafı, işğaldan azad edilmiş ərazilərdə həyata keçirilən layihələr və yeni birgə təşəbbüslər müzakirə olunub.
ABŞ Senatı 1,15 trilyon dollarlıq müdafiə büdcəsi layihəsini prosedur səsverməsində qəbul etməyib. Demokratlar Donald Trampın İrana qarşı hərbi səlahiyyətlərinin məhdudlaşdırılmasını tələb edir. Müzakirələrin uzanması hökumətin fəaliyyətinin qismən dayanması riskini artırır.
ABŞ-nin İranın müxtəlif bölgələrinə endirdiyi raket və hava zərbələri nəticəsində itkilərlə bağlı yeni rəqəmlər açıqlanıb. Bampurda baş verən hücum zamanı 7 hərbçi ölüb, son günlər həyata keçirilən zərbələrdə isə ümumilikdə ən azı 30 nəfərin həyatını itirdiyi bildirilib.
Ukrayna Silahlı Qüvvələri Qara dənizdə Rusiyaya məxsus 20 gəminin vurulduğunu açıqlayıb. Bildirilir ki, hədəflər arasında neft və qaz tankerləri də olub.
Xeberhub.com xəbər verir ki, AZAL şirkətin dəyərlərini və gələcək inkişaf istiqamətlərini əks etdirən yeni imic çarxını təqdim edib. Yeni video təhlükəsizlik, peşəkarlıq, məsuliyyət və davamlı inkişaf prinsiplərini ön plana çıxarır. Şirkət bildirib ki, layihə milli aviadaşıyıcının müasir inkişaf yolunu və Azərbaycanın dünyaya təqdim etdiyi hava körpüsü missiyasını əks etdirir.
Xeberhub.com xəbər verir ki, ABŞ-nin İrana yeni aviazərbələr endirdiyi bildirilir. İran mediası isə buna cavab olaraq Bəhreyndəki ABŞ hərbi obyektlərinin raket hücumuna məruz qaldığını iddia edib. Hər iki məlumat hələlik müstəqil mənbələr tərəfindən təsdiqlənməyib.
Xeberhub.com Musavat.com-a istinadən xəbər verir ki, Çin Vladimir Putindən sonrakı dövrə hazırlaşaraq Rusiyanın gələcək siyasi və iqtisadi elitası ilə əlaqələrini gücləndirir. "The Wall Street Journal"ın məlumatına görə, Pekin hakimiyyət dəyişikliyindən sonra da Rusiyadakı təsirini qorumağı hədəfləyir.
Prezident İlham Əliyev IV Şuşa Qlobal Media Forumunda İran-ABŞ gərginliyinin qlobal münaqişəyə çevrilməsinin böyük təhlükə yaratdığını bildirib. Dövlət başçısı qonşu ölkələri məsuliyyətli davranmağa çağırıb və Pakistanın vasitəçilik səylərinin qarşıdurmanın başa çatmasına töhfə verəcəyinə ümid etdiyini deyib.
Xeberhub.com xəbər verir ki, Prezident İlham Əliyev və Slovakiya Prezidenti Peter Pelleqrini Ağdamın Baş Qərvənd kəndində görülən işlərlə tanış olub və 840 şagird yerlik məktəbin təməlini qoyublar. Kənddə sosial infrastruktur yaradılır, yollar, kommunikasiya xətləri və yaşayış evləri inşa edilir. Məktəb binasının tikintisi Slovakiya tərəfindən Azərbaycana hədiyyə olunur.
Əli Məsimli: Şuşa Qlobal Media Forumu Azərbaycanın informasiya siyasətində mühüm platformadır IV Şuşa Qlobal Media Forumu dünyanın müxtəlif ölkələrindən media rəhbərlərini, jurnalistləri və ekspertləri bir araya gətirib. Forumda sülhün təşviqi, medianın rolu, beynəlxalq informasiya mühiti və aktual qlobal çağırışlar müzakirə olunub. Prezident İlham Əliyevin çıxışında isə Azərbaycan-Türkiyə münasibətləri, ABŞ və Rusiya ilə əlaqələr, regional təhlükəsizlik və Cənubi Qafqazın gələcəyi ilə bağlı mühüm mesajlar verilib. Forum Azərbaycanın Qarabağ həqiqətlərini və postmünaqişə dövründə həyata keçirilən bərpa prosesini beynəlxalq auditoriyaya çatdırmaq baxımından mühüm əhəmiyyət daşıyır.