Reyn çayında quraqlıq səbəbindən suyun səviyyəsinin azalması Fransanın şərqində yanacaq tədarükünü çətinləşdirib. Regiondakı yanacaqdoldurma məntəqələrinin 14 faizində, bəzi ərazilərdə isə 50 faizində təchizat problemi yaranıb.
Qazaxıstan, Qırğızıstan, Tacikistan və Özbəkistanda genişmiqyaslı elektrik kəsintiləri baş verib. Qazaxıstanın cənub enerji sistemində yaranan nasazlıq nəticəsində məhdudiyyətlərin həcmi 2 810 MVt-a çatıb. Qazaxıstanda enerji sisteminin normal fəaliyyəti bərpa olunub.
Mərdəkan qəsəbəsinin Sergey Yesenin küçəsində aparılan təmir işləri ilə əlaqədar nəqliyyat vasitələrinin hərəkətinə məhdudiyyət qoyulub. 112, 140, 140E, 141, 144, 146, 182, 340 və 446 nömrəli avtobusların marşrutları dəyişdirilib.
Çinin Çjetszyan əyalətində torpaq sürüşməsi nəticəsində bir nəfər ölüb, üç nəfər itkin düşüb. Hadisəyə güclü yağışlardan sonra yaranan qəfil selin səbəb olduğu bildirilir.
“Neftçi”nin 27 yaşlı fransalı futbolçusu İmad Fərəc Tunisin “Esperans” klubuna transfer olunub. Vinger ötən mövsüm Bakı klubunda 34 rəsmi oyunda 7 qol və 6 assistlə yadda qalıb.
Rusiya Müdafiə Nazirliyi Donetsk vilayətində yerləşən Novonikolayevka yaşayış məntəqəsinin Rusiya Silahlı Qüvvələrinin nəzarətinə keçdiyini açıqlayıb.
