Peşə təhsili müəssisələrinə qəbulun I mərhələsinin nəticələri açıqlanıb. 39 735 nəfərdən daxil olan 150 354 müraciət nəticəsində 24 161 nəfər müsabiqədən keçib. Qəbul olunanlar avqustun 25-i saat 18:00-dək qeydiyyatdan keçməlidirlər.
Yevlax-Bərdə yolunda “Lada” markalı avtomobilin sürücüsünün sükan arxasında huşunu itirməsi nəticəsində qəza baş verib. Avtomobil qarşı hərəkət zolağına çıxaraq digər maşınla toqquşub. Hadisədə xəsarət alan olmasa da, hər iki avtomobilə ciddi ziyan dəyib.
Müddətli həqiqi hərbi xidmətə çağırılan və “B”, “Ç”, “C” və “D” kateqoriyaları üzrə rəy verilən şəxslər yekun tibbi müayinəyə cəlb edilirlər. Müayinələr Tibbi Qiymətləndirmə Mərkəzində elektron növbə əsasında həyata keçirilir.
UEFA Konfrans Liqasının pley-off mərhələsində “Tvente” ilə “Qarabağ” arasında keçiriləcək ilk oyunun baş hakimi albaniyalı Yucin Caya olacaq. Qarşılaşma avqustun 20-də Niderlandda keçiriləcək.
Almaniyanın Şimali Reyn-Vestfaliya torpağında baş verən meşə yanğını səbəbindən Qay kəndinin 1800-ə yaxın sakini təxliyə edilib. Təxminən 25 hektar ərazi yanır və bölgədə böhran qərargahı yaradılıb.
Tacikistanda 5,5 maqnitudalı zəlzələ baş verib. Yeraltı təkanlar avqustun 14-də Bakı vaxtı ilə saat 07:39-da qeydə alınıb. Dağıntı və xəsarətlərlə bağlı hələlik məlumat yoxdur.
