Prezident İlham Əliyevin fərmanı ilə xarici ticarətin gömrük statistikası məlumatlarının təqdim edildiyi dövlət qurumlarının siyahısına Kənd Təsərrüfatı Nazirliyi də əlavə olunub.
ABŞ-ın Yaponiyadakı səfiri Corc Qlass Vaşinqtonun Yaponiyanın mübahisəli “Şimal əraziləri” üzərində suverenliyini tanıdığını bildirib. Açıqlama Vladimir Putinin İturup adasına səfərindən sonra verilib.
Samuxun Alıuşağı kəndində ət və süd məhsullarının daşınmasına nəzarət məqsədilə post yaradılıb. Ərazidən keçən avtomobillər dezinfeksiya edilir, iri təsərrüfatlarda isə dezinfeksiya baryerləri quraşdırılıb.
Ağsu, Cəlilabad, Sabirabad və Saatlı rayonlarında yanğın törətməkdə şübhəli bilinən beş nəfər müəyyənləşdirilib. Yanğınlar nəticəsində ümumilikdə 2 hektara yaxın əkin sahəsi və kol-kos yanıb.
Kəlbəcərin Sarıyel kəndində mina partlayışı nəticəsində xəsarət alan 1953-cü il təvəllüdlü şəxsin sağ topuğu amputasiya olunub. Hazırda onun vəziyyəti orta ağır qiymətləndirilir.
Azərbaycan UEFA əmsallar reytinqində 21.687 xalla 26-cı pillədəki mövqeyini qoruyub. “Sabah” və “Qarabağ”ın bu həftəki qələbələrindən sonra ölkəmizin cari mövsüm üzrə əmsalı 3.125 xala çatıb.
