Tokio yaxınlığındakı Asaka Quru Özünümüdafiə Qüvvələrinin bazasında yanğın baş verib. Alov bazanın daxilində yerləşən məişət tullantıları sahəsində başlayıb. Yanğınsöndürənlər hadisənin qarşısını almaq üçün çalışır, xəsarət alanlar barədə məlumat verilmir.
CENTCOM-un məlumatına görə, İranın İordaniyaya endirdiyi zərbələr nəticəsində iki ABŞ hərbçisi ölüb. Bundan əlavə, İraqda keçirilən əməliyyat zamanı daha bir ABŞ hərbçisi həlak olub, bir nəfər isə yaralanıb.
SEPAH İordaniya və Küveytdə ABŞ-nin istifadə etdiyi hərbi obyektlərə zərbələr endirdiyini iddia edib. Qurumun açıqlamasına görə, anqarlar, radar sistemi, PUA-lar və hərbi təyyarələr hədəfə alınıb.
SEPAH-ın iddiasına əsasən, Hörmüz boğazında təhlükəli marşrutla hərəkət etməyə çalışan iki neft tankeri partlayıb. Hadisə ilə bağlı məlumatı Tasnim agentliyi yayıb.
Avropanın cənubunda isti hava dalğası güclənib. Sardiniyada temperatur 47 dərəcəyə çatıb, yaxın günlərdə isə bəzi ölkələrdə nisbətən sərinləşmə gözlənilsə də, isti hava şəraiti davam edəcək.
İranın Kirmanşah əyalətində beş dəqiqə fərqlə 5,2 və 5,7 bal gücündə iki zəlzələ baş verib. Rəsmi qurumlar hələlik dağıntı və itkilərlə bağlı açıqlama yaymayıblar.
