TƏBİB Hacıqabulda baş verən yol qəzasında xəsarət alan iki nəfərin vəziyyəti barədə məlumat yayıb. Yaralılar Şirvan Şəhər Mərkəzi Xəstəxanasına yerləşdirilib və müayinələri davam edir.
Əmanətlərin Sığortalanması Fondu müxtəlif ölkələrdən, o cümlədən Rusiya və Tailanddan kiberhücum cəhdlərinin qeydə alındığını açıqlayıb. Qurumun nümayəndəsi bildirib ki, təhlükəsizlik sistemi bu hücumları avtomatik aşkarlayaraq bloklayır.
Reuters-in məlumatına görə, husilər tərəfindən Yanbudakı neft emalı müəssisələrinə doğru buraxılan iki ballistik raket Yunanıstan hərbçilərinin xidmət göstərdiyi hava hücumundan müdafiə sistemi tərəfindən məhv edilib.
Rusiya mediasının məlumatına görə, Zaporojye vilayətinin Kirillovka qəsəbəsində turist bazasına endirilən hava zərbələri nəticəsində ölənlərin sayı 11-ə çatıb. Ölənlər arasında dörd uşaq olduğu bildirilir.
Xətai rayonunda evdən 9 500 manat və qızıl-zinət əşyalarının oğurlanması ilə bağlı keçirilən əməliyyat zamanı üç şübhəli şəxs saxlanılıb. Fakt üzrə araşdırma aparılır.
İran hökuməti Prezident Məsud Pezeşkianın çıxışının efirdə ixtisar edilməsinə görə dövlət televiziyasına xəbərdarlıq edib. Hökumət sözçüsü Fatimə Mühacirani ictimai medianın bütün mövqeləri əks etdirməli olduğunu vurğulayıb.
