Milli Hidrometeorologiya Xidməti iyulun 23-nə hava proqnozunu açıqlayıb. Bakıda və Abşeron yarımadasında günəşli hava gözlənilir. Rayonlarda əsasən yağmursuz hava üstünlük təşkil etsə də, bəzi dağlıq ərazilərdə yağış, şimşək və dolu ehtimalı var.
Fransanın Var bölgəsində başlayan meşə yanğını 2500 hektar əraziyə yayılıb. Təhlükə səbəbindən yüzlərlə sakin təxliyə olunub, minlərlə ev işıqsız qalıb. Yanğının söndürülməsinə 1200 nəfərlik heyət və aviasiya qüvvələri cəlb edilib.
"Arzum9999" kimi tanınan tiktoker İlduzə Hacıyeva ev dustaqlığına buraxılıb. Məhkəmə onun ailə vəziyyətini nəzərə alaraq bu qərarı versə də, 5 il 2 ay azadlıqdan məhrumetmə hökmü qüvvədə qalır. İş üzrə apellyasiya baxışı məhkəmə istintaqı ilə davam etdiriləcək.
Prezident İlham Əliyevin Almaniyaya səfəri Türkiyə mediasının əsas gündəm mövzularından birinə çevrilib. Qardaş ölkənin televiziya kanalları və xəbər agentlikləri Azərbaycan liderinin çıxışlarını canlı yayımlayıb, enerji əməkdaşlığı və Azərbaycan-Almaniya Birgə Bəyannaməsinə geniş yer veriblər.
Axar.az-ın məlumatına görə, Prezident İlham Əliyevin Almaniyaya səfəri Rusiyada bəzi siyasi dairələrin diqqətini cəlb edib. Dövlət Dumasının deputatı Aleksandr Tolmaçev Azərbaycanın xarici siyasəti ilə bağlı tənqidi fikirlər səsləndirib. Nəşr isə bu iddialara cavab olaraq Azərbaycanın müstəqil və balanslı siyasət yürütdüyünü vurğulayıb.
Prezident İlham Əliyev Berlində Almaniya kansleri Fridrix Merts ilə görüş keçirib. Tərəflər strateji əməkdaşlıq, enerji təhlükəsizliyi, Orta Dəhliz və regional məsələləri müzakirə ediblər. Almaniya kansleri Azərbaycan-Ermənistan sülh prosesində əldə olunan irəliləyişi də yüksək qiymətləndirib.
