Prezident İlham Əliyev Berlində Almaniya Prezidenti Frank-Valter Ştaynmayerlə görüş keçirib. Azərbaycan lideri "Villa Borsig" iqamətgahında qarşılanıb və görüşdən əvvəl xatirə kitabını imzalayıb.
Şri-Lankada denge qızdırması epidemiyasına qarşı mübarizədə hərbi PUA-lardan istifadə edilir. Ölkədə ilin əvvəlindən 76 min yoluxma və 53 ölüm qeydə alınıb.
Əfqanıstanın Nuristan vilayətində baş verən daşqınlar nəticəsində azı 20 nəfər ölüb, 100-dən çox insan itkin düşüb. Xilasetmə və axtarış işləri davam edir.
Azərbaycanda 2026-2030-cu illər ərzində çevik iş vaxtı rejiminin tətbiqi üçün hüquqi baza hazırlanacaq. Yeni model işçilərə iş saatlarını müəyyən çərçivədə daha sərbəst planlaşdırmaq imkanı verməyi nəzərdə tutur.
Hindistanın şimal-şərqində güclü yağışlar torpaq sürüşməsinə səbəb olub və nəticədə tikilməkdə olan tunel çöküb. Hadisə zamanı 9 işçi ölüb, 20-dən çox şəxsin tuneldə qaldığı bildirilir.
"Vital Hospital"da ölü doğulan körpənin meyitinin düzgün saxlanılmaması ilə bağlı sosial şəbəkələrdə yayılan iddialar araşdırılır. Səhiyyə Nazirliyi məsələ ilə bağlı hüquq-mühafizə orqanlarının məlumatlandırıldığını açıqlayıb.
