Qubada antibiotik inyeksiyasından sonra səhhəti pisləşən 22 yaşlı Səbinə Əmrahova xəstəxanada vəfat edib. Hadisə nəticəsində bətnindəki döl də həyatını itirib. Faktla bağlı prokurorluq araşdırma aparır.
Yeni Günəşlidə yeni yol nişanlanmasının tıxac yaratdığı iddialarına AYNA münasibət bildirib. Qurum İlqar Musayev küçəsində hərəkət sxeminin dəyişdirilmədiyini, yolun eninə uyğun olaraq bəzi hissələrdə 3, digər hissələrdə isə 2 hərəkət zolağının təşkil edildiyini açıqlayıb.
"Azəriqaz" İstehsalat Birliyində Texniki İstismar şöbəsi ləğv edilib və onun yerində İstismar Departamenti yaradılıb. Yeni departamentə Səməd Əliyev rəhbər təyin olunub.
DÇ-2026-nın finalında Argentina və İspaniya qarşılaşacaq. Bu, FIFA reytinqinin ilk iki pilləsində yer alan komandaların dünya çempionatı finalında ilk görüşü olacaq. Final həm də Avropa çempionu ilə Amerika Kubokunun qalibinin ilk dünya çempionatı finalı kimi tarixə düşəcək.
SEPAH ABŞ Prezidenti Donald Trampın İranın infrastrukturuna mümkün zərbələrlə bağlı açıqlamalarına cavab olaraq bəyan edib ki, belə bir hücum baş verərsə, bölgədəki ABŞ obyektləri hədəfə alınacaq. Hörmüz boğazının İran üçün qırmızı xətt olduğu da vurğulanıb.
İran hökuməti casusluqda ittiham olunan ABŞ vətəndaşı Dena Kararinin ölkədən çıxmasına icazə verib. Onun ABŞ-yə qayıtdığı təsdiqlənib, Donald Tramp isə İranın bu addımını xoşməramlı jest kimi qiymətləndirib.
