Milli Məclisin deputatı Arzuxan Əlizadə 8 avqust 2025-ci ildə Vaşinqtonda keçirilən Azərbaycan, Ermənistan və ABŞ liderlərinin görüşünü Cənubi Qafqazın siyasi tarixində mühüm hadisə kimi qiymətləndirib. O, sülh sazişinin razılaşdırılmış mətninin paraflanmasını və Birgə Bəyannamənin imzalanmasını xüsusi qeyd edib.
Keçmiş "Qarabağ" qapıçısı Fabian Buntiç oyun şansının az olması səbəbindən komandadan ayrıldığını bildirib. O, yeni klubu "Farense"də yenidən futbol oynamaqdan zövq aldığını deyib.
"Əhmədli" metrostansiyasının üçüncü çıxışı qarşısında qanunsuz küçə ticarəti səbəbindən yaranan narazılıqlardan sonra polis əməkdaşları əraziyə müdaxilə edərək səkiləri boşaldıblar.
Fransanın xarici işlər naziri Jan-Noel Barro 2027-ci il prezident seçkiləri ərəfəsində ölkənin xarici müdaxilə cəhdlərinə dözməyəcəyini bildirib. Fransa hakimiyyəti bəzi namizədlərə qarşı aparılan dezinformasiya kampaniyalarının xaricdən idarə olunduğunu açıqlayıb.
Maliyyə Nazirliyinin hesabatına görə, iyulun 1-nə Azərbaycanda vergi borcları 4 milyard 50,4 milyon manata çatıb. Bu göstərici ilin əvvəlindən 22,4 faiz, son bir ildə isə 15,9 faiz artıb.
İsmayıllıda ağır qəza: Beş nəfər yaralandı
