Əfqanıstanın şərqində baş verən güclü sel və daşqınlar nəticəsində 40-dan çox insan ölüb, çoxsaylı yaralı və itkin düşənlər var. BMT bölgədə humanitar yardım əməliyyatlarına başlayıb.
Azərbaycanda ali təhsil məzunlarına elektron diplomların verilməsinə start verilib. İlk olaraq Bakı Dövlət Universitetinin məzunları bu xidmətdən yararlana biləcək, proses mərhələli şəkildə digər ali məktəbləri də əhatə edəcək.
"Neftçi" Freddi Varqasın transferini rəsmiləşdirib. Venesuelalı futbolçu ilə 2+1 illik müqavilə imzalanıb. O, ötən mövsüm Bakı klubunda 34 oyunda 5 qol və 8 assistlə yadda qalmışdı.
Lənkəranın Vivan kəndində baş verən yol qəzasında yol kənarında ticarətlə məşğul olan 39 yaşlı kişi avtomobilin vurması nəticəsində həyatını itirib. Faktla bağlı araşdırma aparılır.
ABŞ-də qızılcaya yoluxma halları son 35 ilin ən yüksək həddinə çatıb. İyulun 21-dək 2 295 yoluxma qeydə alınıb. Mütəxəssislər artımı əsasən peyvəndlənmə səviyyəsinin azalması ilə əlaqələndirirlər.
Milli Mətbuat Günü münasibətilə MEDİA, Audiovizual Şura və Mətbuat Şurasının nümayəndələri Fəxri xiyabanı ziyarət edib. Heydər Əliyev, Zərifə Əliyeva və Həsən bəy Zərdabinin xatirəsi ehtiramla anılıb.
