Seuta şəhərinə üzərək keçməyə çalışan azı 18 miqrant həlak olub. Son günlər bölgəyə 1 500-dən çox miqrantın daxil olduğu bildirilir, İspaniya isə təhlükəsizlik tədbirlərini gücləndirib.
Sakit okeanda Kamçatka sahillərində 5,7 maqnitudalı zəlzələ qeydə alınıb. Hadisə nəticəsində dağıntı və ya xəsarət barədə məlumat yoxdur, sunami təhlükəsi elan edilməyib.
Qırğızıstan Prezidenti Sadır Japarov Azərbaycan ilə ölkəsi arasında münasibətlərin tarixi köklərə və ortaq mənəvi dəyərlərə söykəndiyini bildirib. O, Azərbaycanı etibarlı dost adlandırıb.
Prezident İlham Əliyev Azərbaycan və Qırğızıstan arasında münasibətlərin müttəfiqlik səviyyəsinə yüksəldiyini bildirib. Dövlət başçısı bunu iki ölkə arasında əməkdaşlığın ən yüksək mərhələsi kimi qiymətləndirib.
Peruda 5,3 bal gücündə zəlzələ baş verib. Seysmik hadisənin episentri Pukalpa şəhəri yaxınlığında yerləşib, dağıntı və tələfat barədə isə hələlik rəsmi məlumat yoxdur.
Prezident İlham Əliyev Azərbaycan-Qırğız İnvestisiya Fondunun vəsaitlərinin artırılması barədə qərarın qəbul edildiyini açıqlayıb. Dövlət başçısı fondun uğurla fəaliyyət göstərdiyini və yeni layihələrin sayının artacağını bildirib.
