İsrail kəşfiyyat məlumatlarına görə, İran uranın zənginləşdirilməsi avadanlıqlarını Pikaks dağının altındakı yeraltı kompleksə köçürüb. ABŞ və İsrail bu obyektin nüvə proqramının bərpası üçün istifadə oluna biləcəyindən narahatdır.
Prezident İlham Əliyev Berlində Almaniya Prezidenti Frank-Valter Ştaynmayerlə görüş keçirib. Azərbaycan lideri "Villa Borsig" iqamətgahında qarşılanıb və görüşdən əvvəl xatirə kitabını imzalayıb.
Şri-Lankada denge qızdırması epidemiyasına qarşı mübarizədə hərbi PUA-lardan istifadə edilir. Ölkədə ilin əvvəlindən 76 min yoluxma və 53 ölüm qeydə alınıb.
Əfqanıstanın Nuristan vilayətində baş verən daşqınlar nəticəsində azı 20 nəfər ölüb, 100-dən çox insan itkin düşüb. Xilasetmə və axtarış işləri davam edir.
Azərbaycanda 2026-2030-cu illər ərzində çevik iş vaxtı rejiminin tətbiqi üçün hüquqi baza hazırlanacaq. Yeni model işçilərə iş saatlarını müəyyən çərçivədə daha sərbəst planlaşdırmaq imkanı verməyi nəzərdə tutur.
Hindistanın şimal-şərqində güclü yağışlar torpaq sürüşməsinə səbəb olub və nəticədə tikilməkdə olan tunel çöküb. Hadisə zamanı 9 işçi ölüb, 20-dən çox şəxsin tuneldə qaldığı bildirilir.
