Rusiya Dövlət Dumasının sədri Vyaçeslav Volodin bildirib ki, ölkədə yaşayan xarici vətəndaşlar qanunlara əməl etməli, rus dilini bilməli və iqtisadi baxımdan faydalı olmalıdırlar. O, miqrantlar üçün rüsumların artırılmasının büdcəyə əlavə gəlir gətirəcəyini də qeyd edib.
Milli Hidrometeorologiya Xidməti iyulun 27-28-də gözlənilən güclü küləklə bağlı sarı və narıncı xəbərdarlıq elan edib. Bakıda və bəzi rayonlarda küləyin sürətinin 28,4 m/s-dək güclənəcəyi proqnozlaşdırılır.
İran XİN-in sözçüsü İsmayıl Bəqayi bildirib ki, Hörmüz boğazında təhlükəsiz gəmiçiliklə bağlı İran və Oman arasında danışıqlar davam edir. Onun sözlərinə görə, hazırda boğazda gəmiçiliyin fəaliyyətində heç bir dəyişiklik yoxdur.
ABŞ səfirliyinin rəsmisi Mark Hakef bildirib ki, "Sülh naminə güləş" təşkilatı ilə Azərbaycan Güləş Federasiyası arasında imzalanan Anlaşma Memorandumu iki ölkə arasında əməkdaşlığın inkişafına xidmət edəcək.
Kürdəmirdə baş verən zəncirvari yol qəzası zamanı iki nəfər avtomobilin altında qalaraq ağır xəsarət alıb. Report-un məlumatına görə, yaralılardan birinin vəziyyəti ağırdır.
Prezident İlham Əliyev Maldiv Prezidenti Məhəmməd Muizzuya Müstəqillik Günü münasibətilə təbrik məktubu göndərərək iki ölkə arasında əməkdaşlığın inkişafından məmnunluğunu ifadə edib.
