İstanbulun Eyüpsultan rayonunda sərnişin avtobusu sürüşkən yolda qəzaya uğrayıb. Hadisə nəticəsində azı 30 nəfər xəsarət alıb, onlardan ikisinin vəziyyəti ağırdır. Həmin gecə Kırıkkaledə baş verən başqa avtobus qəzasında isə 40 nəfər yaralanıb.
Hacıqabulun Nəvahi qəsəbəsi ərazisində “Mercedes” markalı avtomobil idarəetmədən çıxaraq dəmir səddi dağıdıb və yeraltı keçidə aşıb. Qəza nəticəsində sürücü və sərnişin xəsarət alıblar.
Rumıniya Müdafiə Nazirliyi son 24 saat ərzində hava məkanını pozan ikinci PUA-nın F-16 qırıcısı tərəfindən vurulduğunu açıqlayıb. Dron Ukrayna sərhədi yaxınlığında yaşayış olmayan ərazidə zərərsizləşdirilib.
Bakı Şəhər İcra Hakimiyyəti iyulun 25-də paytaxtın bütün rayonlarında növbəti daxili iməcilik keçirib. Küçələr yuyulub, yaşıllıqlara qulluq göstərilib və şəhərin müxtəlif ərazilərində abadlıq işləri aparılıb.
Futbolinfo.az-ın məlumatına görə,Cəbrayıl futbol klubu satılıb və növbəti mövsümdə I Liqada bu ad altında çıxış etməyəcək. Klubun hüquqi varisi Gəncəbasar olacaq.
Space TV-nin sabiq baş direktoru Vado Korovin telekanalın kredit borcu ilə bağlı ittihamlara cavab verib. O bildirib ki, kredit onun rəhbərliyindən əvvəl götürülüb, rəhbərliyi dövründə isə kanalın reytinqi yüksəlib, texniki baza yenilənib və əməkhaqları vaxtında ödənilib.
