ABŞ ordusunun Şələmçə sərhəd-keçid məntəqəsinə endirdiyi raket zərbəsi nəticəsində iki nəfər ölüb, 11 nəfər yaralanıb. Hadisəyə baxmayaraq, sərhəd-keçid məntəqəsinin fəaliyyəti davam edir.
Şuşa Şəhəri Dövlət Qoruğu İdarəsi şəhərdəki altı tarixi memarlıq abidəsinin bərpası üçün dəyəri 2,46 milyon manatdan çox olan açıq tender elan edib.
İran dövlət mediasının məlumatına görə, SEPAH Küveytdə yerləşən bir neçə ABŞ hərbi obyektinə PUA hücumları həyata keçirdiyini açıqlayıb. İran tərəfi hərbi texnikanın məhv edildiyini və itkilərin olduğunu iddia edir.
Qafqazinfo-nun məlumatına görə, Sabunçudakı 4 saylı Notariat Ofisinin xüsusi notariusu Səbuhi Əliyev külli miqdarda mənimsəmə ittihamı ilə cinayət məsuliyyətinə cəlb edilib. Onun barəsində polisin nəzarəti altına vermə qətimkan tədbiri seçilib.
Axiosun məlumatına görə, ABŞ İrana qarşı əməliyyatların bərpasından sonra ilk dəfə B-1 Lancer strateji bombardmançı təyyarəsindən istifadə edib. Hücmun Böyük Britaniyadakı hərbi bazadan həyata keçirildiyi bildirilir.
Dünya bazarında Azeri Light markalı Azərbaycan neftinin qiyməti 1,83 dollar artaraq 100,56 ABŞ dollarına yüksəlib.
