Türkiyənin Yalova vilayətində jandarmın keçirdiyi əməliyyat zamanı bazar dəyəri 5 milyon dollar qiymətləndirilən 500 qram əqrəb zəhəri aşkarlanıb. Maddənin qanunsuz yollarla ölkəyə gətirildiyi müəyyən olunub və iki nəfər barəsində hüquqi prosedurlara başlanılıb.
Ali Məhkəmə dövlətə xəyanətdə təqsirləndirilən İvan Svetliçnıyın kassasiya şikayətini təmin etməyib. Bununla da onun barəsində çıxarılmış 16 il 1 aylıq həbs hökmü qüvvədə saxlanılıb.
ABŞ Senatı 1,15 trilyon dollarlıq müdafiə büdcəsi layihəsini prosedur səsverməsində qəbul etməyib. Demokratlar Donald Trampın İrana qarşı hərbi səlahiyyətlərinin məhdudlaşdırılmasını tələb edir. Müzakirələrin uzanması hökumətin fəaliyyətinin qismən dayanması riskini artırır.
ÜST Konqo Demokratik Respublikasında Ebola virusuna yoluxanların həqiqi sayının rəsmi statistikadan iki-dörd dəfə çox ola biləcəyini açıqlayıb. Təşkilat virusun naməlum yoluxma zəncirləri ilə yayıldığını və bir çox xəstənin tibb müəssisəsinə çatdırılmadan vəfat etdiyini bildirib.
Konqo Demokratik Respublikasında Ebola virusuna yoluxanların sayı 2 011-ə, ölənlərin sayı isə 754-ə yüksəlib. Virus ölkənin şərqində beş regiona yayılıb, ÜST isə real rəqəmlərin rəsmi statistikadan daha yüksək ola biləcəyini bildirib.
Mişel Pereyra UFC ilə yollarını ayırıb. Braziliyalı döyüşçünün təşkilatdakı son qarşılaşması Bakıda baş tutub və o, Şara Bulletə hakimlərin yekdil qərarı ilə uduzub. Döyüşdən sonra Pereyra hakimlərin qərarlarına etiraz etmişdi.
